السلآم عليكم ~
موضوعنآ اليوم يتكلم
عن البراشيم .. طبعا تشتري ورق الشآم من اي بقاله يبيع فيها هندي .. وتجيب سيجآر مفروص . .. وتولع الأصبع وتخليه يقوطر على شسمه .. وتلفه وتستنشقه بالهناء والشفاء :$
خخخخخخ آمزح هذا موو موضوعنآ .. لحد يتهور ويبلغ شسمه وارووح فيها .. اصلن انا ما اعرف طريقته ولا اعرف شي فيه .. وعلى قولتهم صوفي .. <
موضوعنا اليوم موضوع موسمي ... جرايد كثيره طلبت مني اني اكتب لها لكن انا رفضت طبعا (
بدأ التخبيص ترى ) .. وقلت مايصير اكتبه الا في القلب الفضي للسحليات عشاان يكون حصري < ياشين الفشخره .
المدرسه على ابوابها .. وفيه نآس بدأو مدرسه ( مساكيين
) .. والمدرسه و خصوصاً الاختبارات هو
الموسم الرئيسي للبراشيم .. نعطيكم نبذه عنها :
البرشآم لغة : الشي الصغير الغير مرغوب فيه .
اصطلآحآ : موسوعه علميه شآمله ..
لآ ترى بالعين المجرده ..نبذه تاريخيه عن البراشيم :
في العصر الحجري .. كان طلاب الثانويه العامه اذا جت اختبارات الوزاره .. ياخذ قطعه خشبيه .. وينحت فيها المعلومات المطلوبه .. ويحطها تحت التي شيرت .. ويدخل القاعه يختبر .. وطبعا كان ينفضح امره قبل لا يبدأ الاختبار اصلا
ثم تطور علم البرشاام .. ففي القرن الخامس والعشرين قبل المئه من الالف هجريآ .. اكتشف العالم الصومالي انشتاين طريقه جديده للبرشمه .. .
وفتح ابواب علم البرشام على مصراعيه . حيث فكر العبقري بطريه مبتكره .. وهي انك تكتب بورقه
A4 المعلومات الي تبغاها وتطبقها وتحطها بجيبك .. وتدخل الامتحان .. واذا المدرس او الدكتور كآن (موب لمك )* تطلعه وتحل ..
وفي عصرنا الحالي .. تطور علم البراشيم حتى اصبح علما يدرس في اكبر الجامعات العالميه .. وانتشر العلم حتى اصبح من اقوى امراض العصر .. واطلقت عليه منظمة الصحه العالميه
(siw) اسم (انفلونزا البراشيم) PH3a1222 < تحداكم تفهمون شي .. لأني انا مدري من وين خرفت لكم ذا الهبل
انواع البراشيم :
1- البرشام التقليدي : وهي عباره عن قطعه صغيره من الورق الابيض مساحتها (0,3 في 0,2
مايكرو ملي ليتر ) .. وهو من اشهر البراشيم واكثرها انتشارا .. ويعتمد عليها اغلب الناس >>>>قولي قسم
2- المنديل الملغم : وهي عباره عن منديل ورقي ( يستحب ان يكون كلينكس عشانه ثقيل وسوفت وريحته حلوه ) .. وفي هذا النوع يتم فصل الطبقتين الملتصقتين من المنديل وزرع البرشام التقليدي بداخله .. ثم اعاده المنديل لوضعه الطبيعي .. وميزه هذا البرشام .. انه لو جا المدرس عندك .. على طوول حطه على خشمك .. وخذ لك سحبتين من السائل الي بالي بالك (حبذا لو تكون خاليه من المواد المتصلبه) وابن ابو ام المدرس يقولك اعطيني المنديل <
الله يقرفك ياشييييخه 3- القلم الذكي : وهذي طريقته غير مضمونه ابدن .. وحبذا اني ما اتكلم عنها لانه مافي حيل اكتب اصلا
4- البرشام الياباني : وهو اخر تطور وصل له علم البراشيم .. وتم اختراعه على يد طالب ياباني
مجتهد مثلي ** .. وهي عباره عن شريط لاصق يتم لصقه في البرشام التقليدي .. ووضعه في الماء لمدة من ساااعه الى نص دقييقه .. وبعدها يتم نزع الالبرشام التقليدي من الشريط الاصق .. وتشوف ان الكتابات الي كتبتها ع الورقه انطبعت في الشريط .. وتقدر تحط اللصق على يدك مثل الاسوره .. او بجبهتك ان كنت من هواة جمع الاصفار في الاختبارات .. او تحطه في رجلك .. او في السروال السناوي الابيض .. وبالنسبه للبنات .. عندهم مليون مكان يقدروون يحطونه فيه ..
وفي الاخير .. كل النهايات الفراق مآفي فرص .. وفي الاخير .. مافي نهآيآت بـ لقى الآ فـ خيآلآت القصص .. سئلتهااااا < مسكت خط
الموضوع اجتهاد شخصي مني .. اتمنى عدم نزع الحقوق*** .. وعند نقله ارجو ذكر المصدر : دار مجنونه بس حنونه للتخبيص قصدي الطباعهـ .الولايات المتحده الارهابيه . شارع ساعه بيغ بين.حاره الاهرام .بجوار برج ايفيل
تمت ~
-----------------------------------------------------------------------
* موب لمك = مادرى عنك .
** العكس صحيح .
*** من زين الموضوع الحين يا فكك .